(Armaghan-e-Hijaz-22) (پانی ترے چشموں کا تڑپتا ہوا سیماب) Pani Tere Chashmon Ka Tarapta Huwa Simaab

پانی ترے چشموں کا تڑپتا ہوا سیماب

مرغان سحر تیری فضاوں میں ہیں بیتاب

اے وادی لولب

وادی لولب : کشمیر کی ایک مشہور وادی۔

گر صاحب ہنگامہ نہ ہو منبر و محراب

دیں بندۂ مومن کے لیے موت ہے یا خواب
اے وادی لولب

ہیں ساز پہ موقوف نوا ہائے جگر سوز

ڈھیلے ہوں اگر تار تو بے کار ہے مضراب

اے وادی لولب

مل کی نظر نور فراست سے ہے خالی

بے سوز ہے میخانۂ صوفی کی مے ناب

اے وادی لولب

بیدار ہوں دل جس کی فغان سحری سے

اس قوم میں مدت سے وہ درویش ہے نایاب

اے وادی لولب

Comments are closed.

Blog at WordPress.com.

Up ↑

%d bloggers like this: