(Armaghan-e-Hijaz-35) (چہ کافرانہ قمارحیات می بازی) Che Kafirana Qimar-e-Hayat Mee Bazi

چہ کافرانہ قمار حیات می بازی

چہ کافرانہ قمار حیات می بازی
کہ با زمانہ بسازی بخود نمی سازی
(اے مسلمان ) تو زندگی کا جوا کس کافرانہ انداز میں کھیل رہا ہے؛ تو زمانے کے ساتھ تو بنا رہا ہے لیکن اپنے ساتھ بنا کے نہیں رکھتا۔
دگر بمدرسہ ہائے حرم نمی بینم
دل جنید و نگاہ غزالی و رازی
ایک وقت تھا کہ مسلمانوں میں جنید بغدادی (رحمتہ اللہ ) جیسے صوفی ، غزالی اور رازی (رحمتہ اللہ ) جیسے فلسفی اور حکیم پیدا ہوتے تھے؛ جو مسلمانوں میں اسلام کی روح پھونکتے رہتے تھے۔
بحکم مفتی اعظم کہ فطرت ازلیست
بدین صعوہ حرام است کار شہبازی
قدرت کے بارے میں مفتی کا یہ فتوی ہے کہ قدرت کے قوانین میں ازل سے (ہمیشہ سے) یہ بات موجود ہے کہ ممولہ کے ضابطہء حیات میں شاہباز کے سے کام اختیار کرنا حرام اور ناجائز ہے۔
ہماں فقیہ ازل گفت جرہ شاہیں را
بآسماں گروی با زمیں نہ پروازی
(جس طرح قوانین قدرت کے مفتی کا یہ فتوی ہے کہ ممولہ سے باز کے شکار کے طور پیدا کیا گیا ہے) اسی طرح قدرت کی فقہ میں ( قوانین کی کتاب میں) ازل کے فقیہ نے یہ بات بھی لکھ دی ہے کہ اعلی درجہ کے باز کا کام صرف آسمانوں پر اڑتے رہنا اور فضا میں پرندوں کا شکار کرنا ہے نہ کہ زمین پر اتر کر ان کا شکار کرنا یا گدھوں کی طرح آ کر مردار کھانا۔
منم کہ توبہ نہ کردم ز فاش گوئی ہا
ز بیم ایں کہ بسلطاں کنند غمازی
میں نے اس ڈر سے کہ لوگ بادشاہ وقت سے میری چغلی کھائیں گے صاف صاف اور کھول کر حق کی بات کہنا نہیں چھوڑی اور جابروں اور ظالموں کے سامنے کلمہء حق کہنے سے گریز نہیں کیا؛ باوجود کہ لوگوں نے مجھ سے کہا کہ سچائی کا یہ رویہ اختیار نہ کرو لیکن میں باز نہیں آیا اور اپنی شعری میں بھر پور انداز سے اور بے خوف ہو کر مسلمانوں کو باطل قوت کے خلاف ڈٹ جانے کے لیے کہتا رہا۔
بدست ما نہ سمرقند و نے بخارا ایست
دعا بگو ز فقیراں بہ ترک شیرازی
(حافظ شیرازی نے ایک شعر میں کہا تھا کہ اگر شیراز کا ترک (معشوق) میرے دل کو قبضے میں کر لے تو میں اس کے سیاہ تل کے بدلے میں اسے سمرقند اور بخارا شہر بخش دوں گا یا اس کے صدقے میں خیرات کر دوں گا۔) اقبال نے اس شعر سے یہ مضمون نکالا ہے کہ اگرچہ میرے ہاتھ میں سمرقند اور بخارا جیسے شہر نہیں ہیں مگر میں تو اس کے حق میں صرف دعا کر سکتا ہوں (یہاں اقبال کا معشوق مسلمان ہے)۔

%d bloggers like this:
search previous next tag category expand menu location phone mail time cart zoom edit close