(Bal-e-Jibril-063) (یوں ہاتھ نہیں عطا وہ گوہر یک دانہ) Yun Hath Nahin Ata Vo Gohar-e-Yak Dana

یوں ہاتھ نہیں آتا وہ گوہر یک دانہ

یوں ہاتھ نہیں آتا وہ گوہر یک دانہ
یک رنگی و آزادی اے ہمت مردانہ!

یا سنجر و طغرل کا آئین جہاں گیری
یا مرد قلندر کے انداز ملوکانہ!

یا حیرت فارابی یا تاب و تب رومی
یا فکر حکیمانہ یا جذب کلیمانہ!

یا عقل کی روباہی یا عشق ید اللہی
یا حیلہ افرنگی یا حملہ ترکانہ!

یا شرع مسلمانی یا دیر کی دربانی
یا نعرہ مستانہ، کعبہ ہو کہ بت خانہ!

میری میں فقیری میں، شاہی میں غلامی میں
کچھ کام نہیں بنتا بے جرأت رندانہ

Comments are closed.

Blog at WordPress.com.

Up ↑

%d bloggers like this: